​Obiliq, lirohen nga taksa komunale bizneset që nuk kanë punuar gjatë pandemisë

 

Vendimi për lirimin nga taksa komunale për bizneset në Obiliq që nuk kanë punuar gjatë pandemisë Covid-19 për vitin 2020, i inicuar nga kryetari i Komunës së Obiliqit, Xhafer Gashi, i aprovuar nga Kuvendi Komunal i Obiliqit, është konfirmuar ligjshmëria e tij nga ana e Ministrisë së Financave, ku në kuadër të këtij vendimi për lirimin nga taksa komunale përfshihen mbi 250 biznese, totali i shumës së parallogaritur është 39.070.00 euro.

Kryetari Gashi pas aprovimit të ligjshmërisë nga ana e ministrisë, ka theksuar se aprovimi i këtij vendimi, dëshmon se tejkalimi i kësaj situate është angazhimi i tyre i përbashkët. Ai gjithashtu ka njoftuar se është hapur shpallja për subvencionimin e nënave vetushqyese dhe grave në biznes, që shumë shpejt komisionet për vlerësim e aplikanteve do të bëjnë shpalljen e përfitueseve.

“Jam i përkushtuar në përkrahjen e seciles kategori të shoqërisë dhe kjo do të ndodhë në vazhdimësi!”, është shprehur kryetari Gashi.