Qeveria shkarkon bordin e drejtorëve të Infrakos-it
Mbledhja e Qeverisë
Qeveria e Kosovës në mbledhjen e sotme që është duke mbajtur ka shkarkuar bordin e drejtorëve të ndërmarrjes Publike Qendrore “Hekurudhat e Kosovës-Infrakos”.
Ministria e Ekonomisë, Rozeta Hajdari duke e arsyetuar këtë vendim tha se bordi i Hekurudhave Infrakos ka bërë shkelje të detyrave zyrtare.
“Bordi ka vonuar pa arsye detyrimet ligjore”, tha ajo.
Kabineti qeveritar në krye me kryeministrin Albin Kurti kanë shfuqizuar vendimin e Qeverisë se kaluar për ndryshimin e normës së akcizës në duhan.
Ministri i Financave, Besnik Bislimi në arsyetimin e tij për këtë vendim, tha se vendimi i qeverisë së kaluar nuk ka qenë i duhuri dhe ka ç’rregulluar tregun.
Qeveria e Kosovës ka ndarë 200 mijë euro si mbështetje Shqipërisë për sanimin e dëmeve nga tërmeti i 26 nëntorit të vitit të kaluar.
Në mbledhjen e sotme të kabinetit Kurti u mor vendimi t’ i kërkohet presidentit, Hashim Thaçi dhënien e autorizimit, ministrit të Financave dhe Transfereve për nënshkrimin e marrëveshjes në mes Kosovës dhe BE-së për pjesëmarrjen e Kosovës në programin e BE-së “Costoms 2020”.