​”Zymi” sfida e radhës për automobilistët në disiplinën malore

Gara në Zym, e pesta e disiplinës malore për Kampionatin e Kosovës është tubimi i radhës për automobilistët tanë.
Sipas njoftimit të Federatës, neser duke filluar në orën 09:00, kryhen procedurat e zakonshme: paraqitja në garë, verifikimi i dokumentacionit, kontrolli teknik i veturave, takimi i parë i Komisionit Sportiv dhe publikimi i listës startuese.
”Në orën 12:15 bëhet mbyllja e shtegut për veturat civile, 15 minuta më vonë mbahet brifingu me garues, ndërsa në orën 13:00 fillon vozitja e parë testuese. Të dielën, në intervalin kohor 10:00 – 10:30 bëhet paraqitja në garë, ndërsa deri në orën 12:00, kur fillon gara, kryhen të gjitha procedurat e duhura. 15 minuta pas përfundimit të garës bëhet shpallja e rezultateve dhe ndarja e çmimeve. AK Prizreni D&G dhe FASK-u i kanë bërë të gjitha përgatitjet për rrjedhë sa më të mirë të garës”, thuhet në njoftimin e federatës.