Ministria e Shëndetësisë në Shqipëri raportoi këtë të diele për 1.088 raste të reja me koronavirus dhe 12 viktima. Përditësimi i shifrave u bë pas testimit të 3.885 qytetarëve.

Pacientët që humbën jetën ishin 7 qytetarë nga Tirana, 1 qytetar nga Durrësi, 1 qytetar nga Lezha, 1 qytetar nga Elbasani, 1 qytetar nga Vlora, 1 qytetar nga Lushnja, të moshave 35-78 vjeç.

Në 24 orët e fundit janë shëruar 781 qytetarë, ndërsa në 4 spitalet COVID po trajtohen 531 pacientë, 32 në terapi intensive nga të cilët 11 pacientë janë të intubuar.