Arrestohen dy persona për fajde

Policia e Kosovës ka arrestuar dy persona të dyshuar për kryerjen e veprës penale ‘fajde’ në Lipjan

Policia e Kosovës, konkretisht Drejtoria për Hetimin e Krimeve Ekonomike dhe Korrupsionit, e mbështetur nga Njësia Speciale Operative (NJSO), me datën 20 prill 2017, ka realizuar një operacion policor në Lipjan.

Operacioni policor është realizuar me urdhëresë të Gjykatës Themelore në Prishtinë, me ç’rast është kontrolluar një banesë në qytetin e Lipjanit, ku janë arrestuar dy persona, nën dyshimin për kryerjen e veprës penale ‘fajde’ nga neni 343 i KPK-së.

Lidhur me këtë rast janë arrestuar nga policia e Kosovës 2 persona,S. T. lindur me 1975  dhe N. D. lindur me 1964 .

Gjatë kontrollit në lokacionin e caktuar zyrtarët policorë kanë gjetur disa shënime të cilat do të shërbejnë si dëshmi për kryerjen e veprës penale ‘fajde’.

“Dyshohet se viktima të dyshuarit të parë ia ka marrë borxh një sasi të konsiderueshme të parave, të cilit është dashur t’ia paguajë një shumë më të lartë se borxhi i huazuar, mirëpo edhe përkundër kësaj i dyshuari në fjalë ka vazhduar t’i kërkojë para shtesë viktimës.Një rast i ngjashëm ka ndodhur edhe në mes të viktimës së njëjtë dhe të dyshuarit të dytë, ndaj të cilëve Policia e Kosovës ka siguruar informacione dhe prova materiale”, thuhet në njoftimin e dërguar.

Pas intervistimit dy të dyshuarve me urdhër të prokurorit kujdestar të Prokurorisë Themelore në Prishtinë u është caktuar masa e ndalimit prej 48 orëve./21Media

Artikuj të ngjashëm

Back to top button
close button