Bujar Nishani, qytetar nderi i Prizrenit
Ceremonia zyrtare e dorëzimit të këtij titulli për kryetarin e Shqipërisë, do të organizohet me datën 13 maj
Kuvendi i Prizrenit, ka miratuar vendimin që kryetari në largim i Republikës së Shqipërisë, Bujar Nishani, të shpallet qytetar nderi i Prizrenit
Në seancën e së enjtes të Kuvendit të Prizrenit, është miratuar propozimi i kryetarit të komunës, Ramadan Muja, që kryetari i shtetit shqiptar, Bujar Nishani, të shpallet qytetar nderi i kësaj komune, shkruan rtv21.tv
Kryesuesi i organit më të lartë legjislativ në Prizren, Kujtim Gashi, tha se ky çmim do t’i ndahet presidentit Nishani me motivacionin për përkrahjen që po ofrojnë për shtetin dhe popullin e Kosovës institucionet e shtetit shqiptar.
Ky propozim është përkrahur nga të gjitha grupet e kuvendarëve që përfaqësohen në Kuvendin e Prizrenit.
Ceremonia zyrtare e dorëzimit të këtij titulli për kryetarin e Shqipërisë, do të organizohet me datën 13 maj, gjatë kohës kur është paralajmëruar një vizitë treditore në Kosovë të kryetarit shqiptar në largim, Bujar Nishani./21Media