25-vjeçari në Istog theret shtatë herë me thikë

Një 25-vjeçar është therur shtatë herë me thikë nga persona të panjohur.
Zëdhënësi i policisë për rajonin e Pejës, Fadil Gashi për portalin rtv21.tv ka thënë se rasti ka ndodhur në fshatin Saradran të Istogut.
“Rasti ka ndodhur rreth orës 17:40. Viktima është dërguar për trajtim mjekësor në spitalin rajonal të Pejës dhe është jashtë rrezikut për jetë”, tha Gashi.
Ende nuk dihet se cila ishte arsyeja që çoi deri tek kjo ngjarje./21Media