35 të lënduar pas shembjes së tavanit në një dasmë

Rreth 35 persona u lënduan pasi një tavan u shemb në një dasmë pranë Pistoia në Toscana veriore të shtunën mbrëma.

Ngjarja ndodhi kur një papafingo ra brenda gjatë dasmës në Giaccherino. Gjashtë persona u shtruan në spital, por nuk janë në gjendje të rrezikshme për jetën, thanë burimet mjekësore.

Mes të shtruarve në spital ishin edhe të sapomartuarit. Thuhet se tavani i lokalit – një ish-manastir – ku po zhvillohej festa e dasmës, u rrëzua ndërsa disa nga pjesëmarrësit po kërcenin.

“Mund të ishte një tragjedi e tmerrshme”, tha guvernatori i Toskanës, Eugenio Giani, i cili falënderoi ekipin e shpëtimit që mbërriti në vendngjarje.