5 të arrestuar për trafikim me njerëz, identifikohen dy viktima të moshës së mitur

Policia e Kosovës në tri ditët e fundit ka zhvilluar dy operacione dhe ka arrestuar gjithsej pesë persona të dyshuar kosovarë për vepra penale si trafikim me njerëz, shërbimet seksuale të viktimës së trafikimit dhe dhunim.
Policia e Kosovës ka njoftuar se dy nga pesë personat e arrestuar janë dërguar në mbajtje, ndërsa tre të tjerë janë liruar në procedurë të rregullt.
Lidhur me rastet në fjalë janë të identifikuara edhe dy viktima të trafikimit të moshës së mitur, të cilat po marrin shërbimet dhe trajtimin sipas procedurave standarde për personat e trafikuar.
Policia e Kosovës nuk ka dhënë më shumë detaje lidhur me rastin./21Media