6 mjë e 595 civilë kanë vdekur që nga fillimi i luftës në Ukrainë

Të paktën 6 mijë e 595 civilë ukrainas janë vrarë dhe 10 mjë e 189 janë plagosur që kur Rusia pushtoi vendin në shkurt, sipas Zyrës së Komisionerit të Lartë të Kombeve të Bashkuara për të Drejtat e Njeriut (OHCHR).
Në mesin e të vrarëve ishin të paktën 415 fëmijë, 2 mijë e 575 burra, 1 mijë e 767 gra dhe 1 mijë e 838 të rritur të tjerë, gjinia e të cilëve ende nuk është identifikuar, sipas të dhënave të publikuara të hënën.
Shumë nga viktimat civile kanë ndodhur në rajonet Donetsk dhe Luhansk në Donbas një rajon lindor në zemër të luftës që ka parë luftimet më intensive në muajt e fundit.
Raporti i OHCHR tha se 3 mijë e 939 civilë u vranë dhe 5 mijë e 338 të tjerë u plagosën në Donetsk dhe Luhansk, duke përfshirë 449 në territorin e kontrolluar nga Rusia.
Komisioni tha se shifrat aktuale janë “dukshëm më të larta” për shkak të mungesës ose informacionit të vonuar në zonat ku konflikti është intensifikuar, duke përfshirë qytete të tilla si Mariupol, Izium, Lysychansk, Popasna dhe Severodonetsk.
Shumica e viktimave të regjistruara ishin rezultat i armëve shpërthyese me efekte të zonës së gjerë, si granatimet nga artileria e rëndë, sistemet e raketave të shumta lëshuese, raketat dhe sulmet ajrore, shtoi raporti./21Media