6 persona u lënduan në një aksident ndërmjet dy veturave

Gjashtë persona kanë marrë lëndime si pasojë e një aksidenti që ka ndodhur sot rreth orës 14:30, në aksin rrugor Fier-Seman, në Fermë-Çlirim.
Policia shqiptare ka njoftuar se në aksident janë përfshirë një automjet tip “Benz”, i cili drejtohej nga një 16-vjeçar dhe një “Volkswagen”, që drejtohej nga shtetasi V. H., 61-vjeç.
Si pasojë e aksidentit, janë lënduar dy drejtuesit e mjeteve dhe katër pasagjerë, të cilët janë transferuar në spitalin e Fierit.