Policia bastis një lokal nën dyshimin për tregti të ndaluar në Gjilan
Policia e Kosovës dhe Njësiti Antikontrabandë nga Dogana e Kosovës e ATK, me qëllim të luftimit të ekonomisë jo formale, sot me urdhër të gjykatës themelore kanë bastisur një lokal/biznes në tregun e gjelbër në Gjilan nën dyshimet për tregti të ndaluar.
Gjatë operacionit të bastisjes/kontrollit në shtëpinë dhe lokalin/biznesin janë gjetur dhe sekuestruar: filtër për cigare “Grand” 8 pako X 50 copë X 200 letra për cigare, fleta për mbështjelljen e cigareve 110 komplete, duhan i grirë i përpunuar 104 X, 0,500 gramë, cigare VIP, 77 paketime X 20 cigare, cigare “Malboro”, 62 pako X 20 cigare, cigare “NINE” 29 pako X 20 cigare etj.
Lidhur me rastin janë iniciuar në procedurë të rregullt rastet për tregti e ndaluar dhe shmangie nga tatimi, përderisa te gjitha veprimet tjera janë ndërmarr në koordinim me autoritetet kompetente të drejtësisë.
Dëshiron ta dëgjosh këtë lajm me zë?