Komiteti për Çështje Ligjore pro anëtarësimit të Kosovës në Këshillin e Europës

Në Komitetin për Çështje Ligjore dhe të Drejta të Njeriut në Këshillin e Europës sot është votuar unanimisht pro aplikimit të Kosovës për anëtarësim, kështu ka njoftuar Gerald Knaus nga Iniciativa Europiane për Stabilitet

Ai ka thënë se , ishte unanim, përpara votimit si# e ka quajtur ai historik në seancën e nesërme kur Asambleja Parlamentare do ta shqyrtojë raportin që rekomandon anëtarësimin e Kosovës,

Pak javë më parë, komiteti politik votoi në Paris për pranimin e Kosovës: 31 pro. Sot komisioni ligjor votoi: unanimisht!!”, ka shkruar Knaus në “X”.

Sipas tij komiteti konfirmon raportin e ish-kryediplomates greke, Dora Bakoyannis se Kosova duhet të pranohet në Këshillin e Europës. Komiteti e përgëzoi atë për “një raport të shkëlqyer”

Komiteti “ndan konkluzionin në draft opinionin statutor se Kosova ka arritur standardin minimal të kërkuar për anëtarësim në Këshillin e Europës edhe në fushën e çështjeve ligjore dhe të të drejtave të njeriut, edhe pse reforma duhet të vazhdojë”.

Komiteti konsideron se “Kosova është një ‘shtet europian’ për qëllimet e nenit 4 të Statutit të Këshillit të Europës dhe kritereve të shtetësisë sipas të drejtës ndërkombëtare”.

Komiteti tha se “mbështet përfundimin e draft opinionit statutor që favorizon anëtarësimin e Kosovës në Këshillin e Evropës”./21Media

Unanimous (!) vote in the PACE legal committee for this Draft Opinion by @AzadehRojhan:

„ … shares the conclusion in the draft statutory opinion that Kosovo has reached the minimum standard required for membership of the Council of Europe also in the field of legal affairs and… https://t.co/DW0BZWSgyo pic.twitter.com/WNTSLTwW0p

— Gerald Knaus (@rumeliobserver) April 15, 2024