Audioincizimet e e Kusari- Lila, Haxhiu: Përpjekje për ta larguar vëmendjen nga dështimi për mbajtjen e zgjedhjeve

Ministrja e Drejtësisë, Albulena Haxhiu ka reaguar ndaj publikimit të një audio-incizimi të shefes së së Grupit Parlamentar të Lëvizjes Vetëvendosje, Mimoza Kusari-Lila e cila flet me Milan Radoiçiqin.

Ajo ka thënë se kjo është përpjekje e opozitës për të zhvendosur vëmendjen nga nga dështimi i tyre për të shkuar në zgjedhje.

“Nuk e di që keni dëgjuar ndonjëherë që opozita kërkon që Serbia ta dorëzojë Milan Radoiçiqin. A keni dëgjuar ju, se unë të paktën se kam dëgjuar.

Pra, një opozitë që një terrorist që ka bërë sulm terrorist në Republikën e Kosovës asnjëherë nuk po kërkojnë që Serbia që ta dorëzojnë atë, asnjëherë nuk kanë kërkuar nga partnerët ndërkombëtarë t’i bëjnë presion Serbisë që t’i dorëzoj terroristët, jo vetëm Radojiçiqin, por edhe të tjerët që kanë kryer sulme terroriste, tash paskan kërkuar hetim ndaj Mimoza Kusarit.

Unë mendoj qe kjo është një përpjekje për të larguar vëmendjen nga një dështim spektakolar që e patën për rrëzim të qeverisë apo shkuarje në zgjedhje”, ka thënë ajo.

“Opozita duhet të jetë e bashkuar, por ju e keni parë, njëra kërkonte rrëzim të qeverisë, tjetra dorëheqje të qeverisë, tjetra shpërndarje të Kuvendit. Ne kemi thënë se jemi të gatshëm për zgjedhje kurdo që dëshirojnë mirëpo konsiderojmë që ata duhet të jenë të përbashkuar në kërkesat e tyre”, u ka thënë Haxhiu.