Samiti i Turizmit në Turqi: Kosova një destinacion turistik i veçantë

“Takime B2B Produktive: Përfaqësuesit tanë patën mundësinë të takohen me partnerë potencialë nga e gjithë Turqia, duke shkëmbyer ide dhe krijuar lidhje të reja që do të ndihmojnë në rritjen e turizmit në Kosovë. Prezantimi i Pasurive Kulturore dhe Natyrore: Gjatë eventit, u prezantuan bukuritë natyrore dhe trashëgimia kulturore e Kosovës, duke tërhequr vëmendjen e operatorëve turistikë dhe investitorëve të huaj”, thuhet në komunikatë. 

Më tej thuhet se ky event ka ndihmuar në rritjen e vizibilitetit të Kosovës si një destinacion turistik i veçantë dhe i pasur me përvoja unike për vizitorët.

Në fjalimin e tij, kryetari i Unionit Turizmit të Kosovës, Baki Hoti falënderoi të pranishmit dhe shprehu gatishmërinë e thellimit të bashkëpunimit në mes të Kosovës dhe Turqis me fokus të veçantë bashkëpunimin në mes agjensioneve Touroperatote të Kosovës dhe Turqisë për rritjen e numrit të vizitorëve në Kosovë.

“Potencialet e Turizmit kulturor, malor, shëndetësor, dimëror, sportive si dhe të festivaleve janë pjesë e cila do të zgjoj kureshtjen e tregut turk për ta vizituar Kosovën e po ashtu mikpritja ushqimi dhe çmimet e favorshëm”, tha ai.

Në mes tjerash Hoti ka ftuar të gjitha agjensionet turke që të sjellin turist në Kosove duke ju garantuar mikpritje dhe shërbime cilësore.