Ballkani fiton ndaj Llapit

Ballkani ka fituar në shtëpi ndaj Llapit me rezultat të ngushtë 2-1 në ndeshjen e vlefshme për javën e 17-të në Albi Mall Superligën e Kosovës.

Ekipi i Orges Shehit i është kthyer fitores pas tri ndeshjeve, duke mposhtur Llapin e Tahir Batatinës, i cili shkon tani në një seri të errët prej 10 ndeshjesh pa fitore.

Pas kësaj fitore, Ballkani ngjitet në pozitën e dytë me 30 pikë, ndërsa Llapi zë vendin e tetë me 17 pikë.

Në ndeshjen e ardhshme, therandasit luajnë ndaj rivalëve lokal Suharekës, teksa llapjanët e presin Dukagjinin.