Arsenali apelon kartonin e kuq të Lewis-Skelly
Arsenali ka paraqitur një apel për të anuluar kartonin e kuq të diskutueshëm të Myles Lewis-Skelly. Mbrojtësi u përjashtua me karton të kuq gjatë fitores 1-0 të skuadrës së tij kundër Wolves të shtunën.
Lewis-Skelly u përjashtua për shkak të kapjes së Matt Doherty të Wolves mbi kyçin e këmbës me një ndërhyrje të vonuar për të thyer një kundërsulm pak jashtë zonës së Wolves në minutën e 43-të.
Vendimi i gjyqtarit Michael Oliver u la në fuqi nga video ndihmës arbitri (VAR) Darren England, pwrcjellw KosovaPress.
Lewis-Skelly do të mungojë në tre ndeshjet e ardhshme të Arsenalit – një ndeshje në shtëpi në Premier League kundër Manchester City të dielën, ndeshjen e dytë gjysmëfinale të Carabao Cup të javës së ardhshme në Newcastle dhe një ndeshje nw ligë kundër Leicester më 15 shkurt.
Dëshiron ta dëgjosh këtë lajm me zë?