Në përpjekje për të dalë nga ngërçi politik, Osmani sot takon liderët e partive
Presidentja Vjosa Osmani do të takojë pasdite krerët e partive politike në vend, në përpjekje për të dalë nga situata e krijuar për shkak të ngërçit të krijuar politik.
Krejt kjo për shkak të dështimit të konstituimit të legjislaturës së nëntë, të dalë nga zgjedhjet parlamentare të 9 shkurtit.
Në pesëmbëdhjetë përpjekjet e deritanishme nuk ka pasur zgjedhje të emrit të ri të kreut të Kuvendit dhe ish-ministrja e Drejtësisë Albulena Haxhiu, e propozuar nga koalicioni Lëvizja Vetëvendosje, Guxo e Alternativa ka dështuar gjashtë herë të merr votat e nevojshme.
Koalicioni Lëvizja Vetëvendosja, Guxo e Alternativa nuk kanë votat e nevojshme dhe po kërkojnë që Albulena Haxhiu të votohet në mënyrë të fshehtë.
Aleanca për Ardhmërinë e Kosovës ka dërguar dërguar mënyrën e votimit të fshehtë në Gjykatën Kushtetuese, ditën e hënë.
Kujtojmë se pjesëmarrjen për takimin me të parën e shtetit e kanë konfirmuar liderët e të gjitha partive politike.
Dëshiron ta dëgjosh këtë lajm me zë?