Dy balona me ajër të nxehtë përplasen në Turqi, një i vdekur dhe 19 të plagosur

Dy balona me ajër të nxehtë janë rrëzuar në Turqinë qendrore, duke vrarë të paktën një person dhe duke plagosur 19 të tjerë.

Një nga pilotët e balonave thuhet se ka vdekur, shkruan skynews.

Bëhet e ditur se aksidenti ndodhi gjatë një fluturimi që filloi në Luginën piktoreske Ihlara, pjesë e rajonit të Kapadokisë.

Ky është një destinacion turistik i njohur për peizazhet e tij dramatike dhe udhëtimet me balona që tërheqin qindra mijëra vizitorë çdo vit.

Shkaku i aksidentit nuk është përcaktuar ende.

Zyrtarët kanë nisur një hetim të plotë për të kuptuar se çfarë shkaktoi rrëzimin e balonave, duke marrë në konsideratë faktorë të mundshëm si kushtet e motit, defektet teknike apo gabimet njerëzore.

Aksaray’da sıcak hava balonu şiddetli rüzgar nedeniyle sert iniş yaptı: Pilot hayatını kaybetti, 19 turist yaralandı.https://t.co/wp4xc60UhC pic.twitter.com/ysq0PPY8PD

— TRT HABER (@trthaber) June 15, 2025