Ndërron jetë foshnja tre-javëshe në Skenderaj, intervistohen prindërit

Një foshnje tre-javëshe ka vdekur të enjten në fshatin Kostercë të Skenderajt.

Në raportin ditor të policisë thuhet se vdekja e foshnjës është konstatuar nga një ekip mjekësor në vendin e ngjarjes, në fshatin Kostercë.

Rasti është lajmëruar rreth orës 08:00.

“Njësitet policore pas pranimit të informatës nga QKMF-Skenderaj lidhur me rastin, së bashku kanë dalë në lokacionin e cekur, në vendin e ngjarjes kanë konstatuar se viktima mashkull kosovar (foshnje 3-javësh) është pa shenja jete”, tha policia.

Lidhur me rastin, janë intervistuar prindërit e viktimës, ndërsa me vendim të prokurorit trupi i pajetë i viktimës është dërguar në Institutin e Mjekësisë Ligjore për obduksion.

Rasti duke u hetuar.