Lirohet Hazir Haziri, u burgos nga autoritetet serbe në shtator të vitit të kaluar

Është liruar Hazir Haziri, shqiptari që u burgos në Serbi në shtator të vitit të kaluar.

Këtë e ka bërë të ditur avokati Arianit Koci, përmes një postimi në Facebook.

Ai ka bërë të ditur se gjendja e Hazirit është e mirë, teksa shtoi se lirimi i të njëjtit konfirmon se arrestimi ka qenë i pabazuar dhe i ngritur mbi pretendime të pambështetura në fakte.

 

”Hazir Haziri sapo është liruar nga autoritetet e Serbisë, pas mbajtjes në paraburgim prej 08.09.2025, kur ishte arrestuar në pikën kufitare në Merdarë. Lirimi i tij e konfirmon se arrestimi ka qenë i pabazuar dhe i ngritur mbi pretendime të pambështetura në fakte. Rasti nënvizon domosdoshmërinë që qytetarët e Kosovës të kenë mbështetje të menjëhershme juridike sa herë që përballen me ndalime të padrejta jashtë vendit. Si avokat, do të vazhdoj të angazhohem që asnjë qytetar i Republikës së Kosovës të mos mbetet i pambrojtur në burgjet e Serbisë, pavarësisht rrethanave apo akuzave të pabazuara. Kjo është përgjegjësi profesionale dhe njerëzore. Gjendja shëndetësore e z. Haziri është e mirë”, ka shkruar Koci.