Dy vajza të zhdukura brenda ditës në Fushë Kosovë
Policia po heton dy raste të ndara të personave të zhdukur në Fushë Kosovë.
Dy prindër kanë raportuar se vajzat e tyre të mitura janë larguar nga shtëpia dhe nuk kanë njohuri për vendndodhjen e tyre.
Rasti i parë ka ndodhur në rrugën “Dardania” në Fushë Kosovë.
“20.05.2026, 12:30. Ankuesi m/k ka raportuar se vajza e tij viktima f/k e mitur është larguar nga shtëpia dhe nuk di për vend ndodhjen e saj. Rasti nën hetime”, njofton Policia.
E, në mbrëmje, një rast tjetër është raportuar në rrugën “Hamdi Grajqevci”.
“Rr. Hamdi Grajqevci, Fushë Kosovë 20.05.2026, 22:00. Ankuesi m/k ka raportuar se vajza e tij viktima f/k, e mitur është larguar nga shtëpia dhe nuk di për vend ndodhjen e saj. Rasti nën hetime”, bën të ditur policia.
Rastet janë duke u hetuar nga autoritetet kompetente.
Dëshiron ta dëgjosh këtë lajm me zë?