Prezantohet raporti ekonomik për Ballkanin Perëndimor
Numri më i ri i Raportit të Rregullt Ekonomik
Zyra e Bankës Botërore në Kosovë organizon sot nga ora 10:00 një konferencë për medie ku do të prezantojë numrin më të ri të Raportit të Rregullt Ekonomik për Ballkanin Perëndimor.
Prezantimi i raportit do të bëhet fillimisht nga Drejtoresha e Bankës Botërore për Ballkanin Perëndimor, Linda Van Gelder, nëpërmjet video-lidhjes nga Zyra e Bankës Botërore në Vjenë dhe më pas nga zyrtarë të tjerë të Bankës Botërore në rajon.
Prezantimi i raportit do të bëhet njëkohësisht në të gjitha zyret e Bankës Botërore në rajon.
Raporti i Rregullt Ekonomik për Evropën Juglindore prodhohet dy herë në vit nga ekonomistët në Praktikën Globale për Makroekonomi dhe Menaxhment Fiskal të rajonit Evropë dhe Azi Qendrore të Bankës Botërore.