Limaj: Është koha për një qeveri të guximshme

Nisma tubim tubim elektoral me qytetarë të Klinës

Kryetari i Nisma për Kosovën, Fatmir Limaj, i shoqëruar edhe nga disa kandidatë për deputet, ka qëndruar të mërkurën për të bashkëbiseduar me qytetarët e Klinës, ku ka thënë se Kosovës i duhet një qeveri e guximshme për të marrë vendime dhe një qeveri reformatore.

Ai tha se me Nisma në qeveri do të angazhohen për ta bërë Kosovën të lëvizë përpara dhe se ka ardhur koha për një qeveri, e cila merr përgjegjësi dhe është e gatshme të zgjidhë problemet e qytetarëve të saj.

“Ne besojmë që ka ardhur koha për një qeveri reformatore, një qeveri e cila merr përgjegjësi, një qeveri që nuk vajton dhe e cila nuk hedh faj, një qeveri e cila përkulet para qytetarëve, e merr përgjegjësinë për të marrë vendime të rëndësishme për vendin. Ne duam një qeveri që është në ballë të vendit, ne duam një qeveri e cila ruan dinjitetin e shtetit të vet”, tha Limaj.

Për më tepër, kreu i Nisma tha se duan një qeveri që është çdo herë afër qytetarëve, ndërsa Kosovës dhe qytetarëve të saj i nevojiten njerëz punëtorë të gatshëm të marrin vendime për t’i dhënë fund problemeve të tyre.
Kryetari i Nisma për Kosovën para qytetarëve të Klinës prezantoi edhe tri prioritetet e kësaj partie, një të punësuar për çdo familje në dy vitet e ardhshme, krijimi i fondit të vetëpunësimit dhe 400 milionë euro investime në bujqësi.
Ndërsa, kryetari i Degës së Nismës në Klinë, Naser Morina, ftoi bashkëqytetarët e tij që të votojnë për Nismën pasi që sipas tij data 11 qershor do të shënojë një kapitull të ri për Kosovën.

“Data 11 qershorit do të shënojë një kapitull të ri në qeverisje bashkë me partnerët e koalicionit. Prandaj, edhe ju ftoj të votoni koalicionin numër 12, ju ftoj të votoni liderin e Nisma për Kosovën Fatmir Limaj”, tha ai.

Ndryshe, gjatë ditës kreu i Nisma për Kosovën, Fatmir Limaj, së bashku me disa nga kandidatët për deputet kanë qëndruar në Ferizaj