Sulm me thikë në tren, 10 të plagosur
Një burrë sulmoi pasagjerët me thikë në një tren udhëtarësh në Tokio vonë të premten, kështu duke plagosur 10 persona.
I dyshuari, 36 vjeç, thuhet se i tha policisë se u zemërua kur pa gra që “dukeshin të lumtura” dhe donte t’i vriste, sipas raporteve të mediave lokale.
Një studente thuhet se është plagosur rëndë, ndërsa të tjerat kanë pësuar lëndime më të lehta, transmeton rtv21.tv.
Burri sulmoi pasagjerët në një tren pranë stacionit Seijogakuen rreth orës 20:40 të premten.
Treni u ndalua urgjentisht nga shoferi pasi dëgjuan zhurmat që vinin brenda karrocave.
Sipas hetuesve, i dyshuari u hodh në shina dhe iku. Ekuipazhi i trenit udhëhoqi udhëtarët përgjatë shinave në stacionin më të afërt.
I dyshuari më vonë hyri në një dyqan dhe i tha stafit se ai ishte “i dyshuari në incidentin e raportuar nga media” dhe ishte lodhur duke ikur.
Policia Metropolitane e Tokios konfirmoi herët të shtunën se kishte kapur një burrë rreth të 30 -ve, por nuk konfirmoi raportet për arrestimin e tij dhe nuk dha detaje të tjera.
Nëntë nga 10 të plagosurit u dërguan në spital.
Pavarësisht se Japonia është një nga vendet më të sigurta në botë, vitet e fundit ka pasur një numër sulmesh me thikë.
Në vitin 2019, një burrë sulmoi një grup nxënësish që prisnin një autobus në Kawasaki. Dy persona ishin vrarë dhe të paktën 18 të plagosur./21Media
Dëshiron ta dëgjosh këtë lajm me zë?