KOMF bën thirrje: Vaksinohuni, mbroni fëmijët

Koalicioni i organizatave për mbrojtjen e fëmijëve ka kërkuar nga të gjithë prindërit, qytetarët që të vaksinohen për të mbrojtur veten dhe çka është më e rëndësishmja, fëmijët por edhe shëndetin publik në përgjithësi.
KOMF nëpërmjet një komunikate ka kërkuar nga mësimdhënësit që të vaksinohen për shkak të ruajtjes së shëndetit të përgjithshëm, me theks të veçantë shëndetit të fëmijëve. KOMF kërkon nga MASHT-i dhe DKA-të t’i inkurajojnë mësimdhënësit të vaksinohen.
“KOMF kërkon nga Ministria e Shëndetësisë që krahas vaksinimit të rregullt në qendrat e vaksinimit, të ofrohen mundësi për shërbime mobile të vaksinimit të mësimdhënësve në shkolla apo në zona më të thella”, thuhet në komunikatë.