Parashikimi i motit për sot
Instituti Hidrometeorologjik i Kosovës parashikon mot kryesisht të vranët sot, por nuk do të mungojnë as rrezet e diellit nëpër disa zona.
Vranësirat herë-herë do të shoqërohen me riga shiu të përziera edhe me flokë bore, ndërsa në viset malore parashihen reshje bore të intensitetit të dobët deri mesatar. Të shtunën mot më stabil.
Temperaturat minimale, sipas IHMK-së, do të lëvizin ndërmjet -6 deri -3 gradë celsius ndërsa maksimalet e ditës parashihen të lëvizin ndërmjet 4-5 gradë celsius.
“Ky ndryshim i temperaturave do të krijojë kushte që në shumë lokalitete të krijohet mjegulla si dukuri, ndërsa ngricat mbeten prezente gjatë natës dhe orëve të para të ditës, prandaj rekomandohet kujdes i shtuar në trafik. Do të fryjë erë e lehtë deri mesatare nga drejtimi i veriperëndimit”, thuhet në njoftimin e IHMK-së./21Media
Dëshiron ta dëgjosh këtë lajm me zë?