8 gjërat që buzët tuaja po përpiqen t’ju tregojnë për shëndetin tuaj
Buzët tona kanë më shumë se një milion mbaresa nervore dhe janë shumë të ndjeshme, andaj kanë nevojë për kujdes të veçantë. Ndonjëherë buzët mund të na sinjalizojnë se kemi disa probleme me shëndetin tonë dhe se duhet t’u kushtojmë vëmendjen e duhur këtyre shenjave.
Bright Side tregon 8 shenja që buzët mund të tregojnë se mund të keni një probleme me shëndetin.
1. Çarje anash buzëve
Kur pështymja bllokohet në qoshet e gojës suaj, ajo e than lëkurën që mund të plasaritet. Mund të lëpini buzët shpesh dhe ngrohtësia dhe lagështia në qoshe krijojnë kushtet perfekte për infeksione.
Infeksioni është shkaku më i zakonshëm i këtyre çarjeve. Nëse kjo ndodh shumë shpesh, ju lutemi mos hezitoni të shkoni te mjeku.
2. Buzët e thata dhe të plasaritura
Tharja e buzëve tuaja mund të tregojë mungesë lagështie në pjesën tjetër të trupit. Mund të ndodhë edhe për shkak të klimës ose stresit. Në këtë rast, pini më shumë ujë dhe përdorni kremra hidratues.
Gjithashtu, shkaku i buzëve të çara mund të jetë një alergji. Ju lutemi, kushtojini vëmendje nëse keni disa simptoma të tjera si kruajtje, për shembull.
3. Gunga në buzë
Gungat e buzëve mund të jenë të dhimbshme ose të pakëndshme, por në shumicën e rasteve ato janë të padëmshme dhe mund të zhduken pa asnjë trajtim.
Mund të jetë një dëmtim, për shembull, pas një injeksioni të acidit hialuronik. Reagimet ndaj ushqimit gjithashtu mund të shkaktojnë këto gjendje.
Shumë shpesh ndodh që shkaku të jetë një infeksion viral, si herpesi dhe ka nevojë për trajtimin e duhur mjekësor.
4. Skuqje rreth zonës së buzëve
Një nga arsyet më të zakonshme për skuqjen rreth zonës së buzëve janë buzëkuqët që vendosim, me efekte anësore tharje të lëkurës dhe skuqjen e saj. Me një krem hidratant kjo gjendje largohet shpejt.
5. Rrudhat në buzën e sipërme
Nëse keni filluar të vëreni shumë rrudha në buzën e sipërme, mund të ketë arsye fizike dhe emocionale.
Kushtojini vëmendje zakoneve tuaja të këqija, si pirja e tepërt e duhanit për shkak të stresit.
6. Ndryshim i ngjyrës së buzëve
Buzët blu mund të tregojnë qarkullim të dobët të oksigjenit në gjak. Buzët e bardha ose të zbehta mund të tregojnë anemi, e cila në fakt kërkon kujdes mjekësor. Është gjithashtu e mundur që të keni sheqer të ulët në gjak, probleme të qarkullimit të gjakut ose mungesë vitaminash.
7. Buzët e fryra
Ënjtja mund të jetë shenjë e një reaksioni alergjik. Nëse keni vënë re se buzët tuaja bëhen më të mëdha sa herë që përdorni kozmetikë të caktuar, hiqni qafe ato. Nëse buzët tuaja bëhen gjithnjë e më të mëdha gjatë një periudhe të shkurtër kohore, duhet të shkoni te mjeku.
8. Njollat e zeza në buzë
Arsyet për njolla të zeza në buzë mund të jenë të ndryshme dhe nuk duhet t’i injoroni. Mundësia më e mirë është diagnostikimi i tyre duke shkuar te mjeku. Hiperpigmentimi është një gjendje e zakonshme që mund të shkaktojë njolla kafe. Mund ta vëreni jo vetëm në buzët tuaja, por edhe në faqe, hundë dhe ballë. Nëse keni njolla të tilla në buzë është e rëndësishme të bëni një kontroll mjekësor./21Media