Vdiq ish-presidenti i Shqipërisë, Bujar Nishani

Ish-presidenti i Shqipërisë, Bujar Nishani, ka ndërruar jetë të shtunën, më 28 maj, nga komplikimet shëndetësore si pasojë e betejës disamuajshe me COVID-19. Ai vdiq në moshën 56 vjeçare, shkruan vizion plus.
Nishani ishte dërguar në një spital në Gjermani për përkujdesje intensiv dhe pas rëndimit të gjendjes së tij shëndetësore ai vdiq.
Nishani u zgjodh president i Shqipërisë në vitin 2012 dhe shërbeu në këtë pozitë përgjatë një mandati të plotë deri në vitin 2017.
Në këtë pozitë erdhi nga një karrierë akademike pranë Forcave të Armatosura të Shqipërisë dhe angazhimit disa vjeçar në Ministrinë e Mbrojtjes së Shqipërisë në dekadën e parë të tranzicionit demokratik.
Nishani ishte anëtar i lartë i Partisë Demokratike të Shqipërisë dhe ka shërbyer si deputet nga radhët e kësaj partie në Kuvendin e Shqipërisë në vitin 2005.
Nishani ishte presidenti i gjashtë i Shqipërisë. Ai ishte angazhuar për orientimin pro-evropian të Shqipërisë dhe ishte përkrahës i reformave për anëtarësimin e shtetit të tij në Bashkimin Evropian.
Ish-presidenti Nishani ka lënë pas vetes bashkëshorten dhe dy fëmijë./21Media