Familja e harron në veturë pesëvjeçarin, vdiq nga i nxehti

Një fëmijë 5-vjeçar ka vdekur pasi u la brenda një makine për 2-3 orë në Huston, sipas autoriteteve.
Incidenti ndodhi në verilindje të Houston, Teksas të hënën dhe po hetohet nga Zyra e Sherifit të Qarkut Harris.
Policia u dërgua në bllokun 13700 të Blair Hill Lane të hënën pasdite, sipas një raporti të Fox 4 News. Kur mbërritën, e gjetën djalin 5-vjeçar pa reagim dhe u shpall i vdekur në vendngjarje.
Sherifi Ed Gonzalez ka treguar se si ka vdekur fëmija dhe çfarë dinë deri tani për ngjarjen. Përpara se fëmija të lihej në makinë, nëna, 5-vjeçari dhe motra 8-vjeçare e viktimës ishin duke marrë gjërat për një festë ditëlindjeje në shtëpi.
“Ata ishin në entuziazëm të plotë, duke bërë përgatitje për një festë ditëlindjeje. Ata dolën nga makina dhe hynë brenda në shtëpi për të vazhduar përgatitjet. Nëna hyri brenda, edhe vëllai tjetër ishte brenda. Pas nja dy orësh, dy ose tre orësh, ajo vuri re se 5-vjeçari nuk ishte askund dhe filloi ta thërriste që të mos përgjigjej. Ajo vrapoi furishëm jashtë dhe zbuloi se 5-vjeçari ishte ende i shtrënguar brenda, me ndenjësen e makinës ende në vend”, tha Gonzalez.
Sherifi tha se fëmija kishte aftësinë të dilte vetë nga automjeti dhe këtë e kishte bërë edhe më parë.
“Ndoshta fëmija ka qenë në gjumë ose është çorientuar pas pak me temperaturën aq të nxehtë sa është, nuk e dimë. Kjo do të jetë pjesë e hetimit. Nxehtësia e trupit të një fëmije rritet tre deri në pesë herë më shpejt sesa tek të rriturit. Kështu që pas 104 gradë një fëmijë mund të pësojë goditje nga nxehtësia dhe mund të bëhet fatale”, ka thënë ai.