SHBA kërkon nga Serbia t’i nxjerrin para drejtësisë autorët e vrasjes së vëllezërve Bytyqi
Në 23-vjetorin e vrasjes së vëllezërve Ylli, Agron dhe Mehmet Bytyqi, Ambasada e Shteteve të Bashkuara në Serbi ka lëshuar një deklaratë.
Ambasada amerikane u bëri thirrje autoriteteve serbe që t’i nxjerrin para drejtësisë autorët e vrasjes së tre vëllezërve Bytyqi, si dhe ata që i mbuluan vrasjet e tyre në vitin 1999.
“Sot bëhen 23 vjet që kur tre shtetas amerikanë, vëllezërit Bytyqi, u ekzekutuan në paraburgim nga policia speciale serbe. Ne nuk do ta harrojmë këtë krim dhe i bëjmë thirrje Serbisë edhe një herë që të mbajë përgjegjësi për ata që kanë kryer dhe kanë mbuluar këto vrasje”, thuhet në reagimin e Ambasadës.
Today marks 23 years since three U.S. citizens, Bytyqi brothers, were executed while in the custody of Serbian special police. We will not forget this crime and once again call on Serbia to hold accountable those who committed and covered up these murders. https://t.co/h6xmvN7izW
— Američka ambasada (@USEmbassySerbia) July 8, 2022
Trupat e vëllezërve Ylli, Agron dhe Mehmet Bytyqi janë gjetur në një varr masiv, pranë Petrovo Sellos në lindje të Serbisë, në vitin 2001./21Media