Gjenden “mbetje” që mund të çojnë në gjetjen e nëndetëses

Një robot nënujor ka gjetur “mbetje” që dyshohet se i takojnë nëndetëses së zhdukur në Oqeanin Atlantik.

Roja Bregdetare e SHBA-së tha se njohësit e kësaj fushe “po e shqyrtojnë këtë informacion”, derisa kërkimet nën ujë janë duke vazhduar.

Shumë ekipe po vazhdojnë kërkimshpëtimin nga deti dhe ajri për zhytësen e zhdukur, e quajtur Titan, që u nis të dielën.

Në bordin e saj thuhet se ishin pesë persona, ndërsa problematike është edhe mungesa e oksigjenit, që sipas BBC-së, ata kanë oksigjen vetëm edhe për ditën e enjte (22 qershor).