A është takuar ndonjëherë me artistët shqiptarë piktorja turke?

Ledri Vula, Elvana Gjata, Capital T, Ermal Fejzullahu, Dafina Zeqiri, Kida, Tayna, Butrint Imeri janë disa prej artistëve shqiptarë që morën dhuratë pikturë me portretin e tyre nga piktorja turke, Aylin Sarihancer.
Aylin për rtv21.tv ka thënë se portretet e këtyre artistëve janë të veçanta për të, pasi që këto punime janë në mesin e pikturave të para në rrugëtimin e saj drejt artit.
Ajo ka treguar se e pëlqen shumë muzikën shqiptare dhe është fanse e emrave të njohur të estradës shqiptarë. Për rtv21.tv ajo ka treguar se a është takuar ndonjëherë me artistët shqiptarë.
“Po, unë kam takuar shumicën e artistëve që kam vizatuar për t’u ofruar atyre vizatimet e mia, por jo së fundmi. Ndoshta ishte 2-3 vjet më parë”, ka thënë Ayilini.
Ajo tutje ka treguar se pikturat me portretet e artistëve shqiptarë i mbanë për qëllim të ekspozitës, të cilën e ka paralajmëruar se do e realizojë në Kosovë./21Media