Abdixhiku-Kurtit: Vonë, shumë vonë, e pranove autonominë

Emisarit sllovak, Miroslav Lajçak ku ka folur për çështjen e Draft-Statutit të Asociacionit ka nxitur reagime zinxhirore në Kosovës. Kreu i LDK-së, Lumir Abdixhiku, i ka reaguar kryeministrit Albin Kurti pasi ky i fundit duke u ndërlidhur me deklarimin e Lajçak se Drafti është çështje e brendshme e Kosovës, ka ofertuar që vitin tjetër ta shkruaj Draftin bashkë me ministrat Rashiq e Kransiqi.

Abdixhiku ka thënë se LDK dhe të gjithë miqtë e Kosovës ka dy vite që i kërkojnë Kurtit të hartojë draft statutin e Asociacionit, si një dokument të brendshëm të Kosovës dhe si obligim ndërkombëtar.

Megjithatë, Abdixhiku thotë se Kurti ka refuzuar që ta bëjë një gjë të tillë. Kreu i LDK-së, duke kujtuar arsyetimin e Kurtit pse s’propozoi një Draft, thotë se pavarësisht arsyetimit të Kurtit, drafti i ndërmjetësuesit erdhi dhe jo si mes, por si autonomi.

Abdixhiku duke e quajtur Kurtin si “kryeministër të shtetit të përkohshëm”, thotë se tashmë është shumë vonë për ta hartuar një Draft për Asociacionin.