Adoleshenti bëhet multimilioner nga kriptovalutat

Një adoleshent që u bullizohej në shkollën e mesme tani është një milioner i vetëshpallur pasi investoi në kriptovaluta për katër vjet, duke e lejuar atë të jetojë një jetë luksoze vetëm në moshën 18-vjeçare.
Samuel Snell, nga Australia bashkëthemeloi komunitetin privat ‘Crypto Gods’ ku ai u mëson të tjerëve se si të investojnë në kriptovaluta dhe ndan strategji të ndryshme investimi bazuar në tendencat.
Ai e quan biznesin si ‘grupin më të madh privat të kriptove në Australi’ me më shumë se 3,000 anëtarë, transmeton rtv21.tv.
Në TikTok ai ka ndarë një seri videosh ‘një ditë në jetë’ ku ai mburret me stilin e tij ekstravagant të jetesës për të fituar mijëra dollarë në ditë, duke ngarë dy makinat e tij Mercedes Benz.
Kriptomonedha, si Bitcoin dhe Ethereum, është një formë e monedhës digjitale.
Samueli e nis ditën e tij duke ‘kontrolluar fitimet e tij’ brenda natës, gjë që varet nga performanca e tregut dhe në një rast ai fitoi 27,000 dollarë.
Vetëm në një javë të vetme, ai pretendoi se kishte fituar 20,000 dollarë dhe i kishte marrë miqtë e tij me pushime falas.
Një nga dy automjetet Mercedes Benz kap vlerën e 350 mijë dollarëve dhe ka blerë edhe një orë Rolex diamanti.
Kur është në shtëpi, ai gjurmon tendencat ditore të monedhave në kompjuterin e tij prej 20,000 dollarësh, i përbërë nga tre ekrane të mëdhenj, drita LED ngjyrë vjollce dhe tastierë ndriçuese.
Samuel është në një mision për të treguar se nuk ka kufi moshe kur bëhet fjalë për rritjen e pasurisë në internet dhe aktualisht me rritjen e shpejtë të kriptomonedhës, ka të ngjarë që mijëra të jenë në gjendje të ndjekin hapat e tij.
“Fillova në vitin 2014 dhe mësuesit e mi thoshin “ndalo të humbasësh kohë me kripto” tani zotëroj grupin më të madh të kriptove që i bën njerëzit para”, pohoi ai në një video.
Pavarësisht pretendimeve, shumë në internet nuk ishin të bindur dhe donin një udhëzues hap pas hapi se si Samuel bën fitimin e tij./21Media