Adoleshenti i bashkohet fluturimit në hapësirë të Jeff Bezos

Një 18-vjeçar do të bëhet personi më i ri që fluturon në hapësirë pasi ai iu bashkua Jeff Bezos në fluturimin e parë njerëzor nga kompania e tij hapësinore më 20 korrik.
Oliver Daemen do të fluturojë në vend të një ofertuesi anonim 28 milionë dollarë, fitues i një ankandi publik. Fituesi i ankandit nuk mund të fluturonte me misionin “për shkak të konflikteve të planifikimit”, tha sipërmarrja hapësinore e Bezos.
Daemen kishte siguruar një vend në fluturimin e dytë, por u ngrit në të parin kur ofertuesi fitues u tërhoq.
Ai do të bashkohet me 82-vjeçarin Wally Funk, i cili do të bëhet personi më i vjetër ndonjëherë në hapësirë. Bezos dhe vëllai i tij Mark do të përbëjnë pjesën tjetër të pasagjerëve në raketën New Shepard.
Kompania nuk ka treguar se sa kushton bileta e Daeman, transmeton rtv21.tv.
Ai tha se fluturimi do të përmbushë një ëndërr të përjetshme për adoleshentin, “i cili është mahnitur nga hapësira, Hëna dhe raketat që kur ishte katër vjeç”.
Kompania ka në plan të nisë udhëtarët e saj më shumë se 100 km mbi sipërfaqen e Tokës, duke i lejuar ata të përjetojnë mikrogravitet.
Kapsula më pas do të kthehet në Tokë duke përdorur parashuta në një udhëtim që pritet të zgjasë rreth 10 minuta.
Jeff Bezos është një nga njerëzit më të pasur në botë./21Media