AGK: Dënojmë fuqishëm përjashtimin arbitrar nga ekrani të 6 gazetarëve të RTK-së
Asociacioni i Gazetarëve të Kosovës (AGK) përmes një reagimi thotë se dënon fuqishëm përjashtimin abritrar nga ekrani të 6 gazetarëve të Radio Televizionit të Kosovës (RTK).
AGK thotë se pranoi me shqetësim njoftimin e Blerta Foniqi Kabashit, Meneta Zekaj Nushit, Arton Mulliqit, Edona Musa-Mustafës, Jehona Zhitisë dhe Valon Bajramit, për largimin e tyre nga ekrani dhe emisionet që i drejtonin ata.
Asociacioni thotë se ky vendim i menaxhmentit të RTK-së është arbitrar dhe paraqet një nivel të paprecedent të cenzurës në Transmetuesin Publik.
“Blerta Foniqi Kabashi, Meneta Zekaj Nushi, Arton Mulliqi, Edona Musa-Mustafa, Jehona Zhitia dhe Valon Bajrami kanë njoftuar se menaxhmenti, pa paralajmërim, të premten e kaluar, i ka njoftuar se janë përjashtuar nga moderimi i magazinave informative të orës 17:00 dhe të orës 23:00. AGK-ja e dënon fuqishëm këtë vendim arbitrar të Menaxhmentit të RTK-së, që paraqet një nivel të paprecedent të cenzurës në Transmetuesin Publik”, thuhet në reagim.
Sipas AGK-së, kjo është një dëshmi e re, e shqetësimit të ngritur me kohë nga AGK-ja, se menaxhmenti aktual është vënë në shërbim të plotë të Qeverisë Kurti, dhe partisë politike në pushtet, Vetëvendosje.
“Asociacioni i Gazetarëve të Kosovës e fton Menaxhmentin që ta rishikojë dhe tërheqë këtë vendim, dhe t’ua mundësojë gazetarëve dhe redaktorëve të bëjnë punën e tyre në interest të publikut, pa ndikimin e vazhdueshëm politik”, thuhet më tej.
Reagimi i plotë:
“AGK-ja dënon fuqishëm përjashtimin abritrar nga ekrani të 6 gazetarëve të RTK-së
Asociacioni i Gazetarëve të Kosovës (AGK), e ka pranuar me shqetësim njoftimin e 6 gazetarëve të RTK-së për largimin e tyre nga ekrani dhe emisionet që i drejtonin ata në Televizionin Publik.
Blerta Foniqi Kabashi, Meneta Zekaj Nushi, Arton Mulliqi, Edona Musa-Mustafa, Jehona Zhitia dhe Valon Bajrami kanë njoftuar se menaxhmenti, pa paralajmërim, të premten e kaluar, i ka njoftuar se janë përjashtuar nga moderimi i magazinave informative të orës 17:00 dhe të orës 23:00.
AGK-ja e dënon fuqishëm këtë vendim arbitrar të Menaxhmentit të RTK-së, që paraqet një nivel të paprecedent të cenzurës në Transmetuesin Publik.
AGK-ja e sheh veprimin e Menaxhmentit si ndëshkim ndaj 6 gazetarëve për punën e tyre profesionale, të pandikuar politikisht dhe për ngritjen e zërit për vonesën e pagave.
Kjo është një dëshmi e re, të shqetësimit të ngritur me kohë nga AGK-ja, se Menaxhmenti aktual është vënë në shërbim të plotë të Qeverisë Kurti, dhe partisë politike në pushtet, Vetëvendosje.
Asociacioni i Gazetarëve të Kosovës e fton Menaxhmentin që ta rishikojë dhe tërheqë këtë vendim, dhe t’ua mundësojë gazetarëve dhe redaktorëve të bëjnë punën e tyre në interest të publikut, pa ndikimin e vazhdueshëm politik.
AGK-ja do të përkrahë të 6 kolegët gazetarë në të gjithë hapat që ata do të ndërmarrin për të sfiduar këtë vendim të papranueshëm dhe të ndikuar nga politika”.