AGK-ja e dënon gjuhën e papranueshme të Lumir Abdixhikut kundër mediave dhe gazetarëve

11 hours më parëPërditesimi i fundit: March 12, 2026

Asociacioni i Gazetarëve të Kosovës (AGK) e dënon ashpër gjuhën e përsëritur akuzuese të kryetarit të LDK-së, Lumir Abdixhiku ndaj mediave dhe gazetarëve në Kosovë.

Mbrëmë Abdixhiku në një intervistë televizive ka folur prapë për “mercenarë medialë” duke thënë se “shumë lehtë japin një shpifje, papërgjegjësi, vetëm se iu rritet atje llogaria bankare prej sponsorizuesve, kundërshtarëve të ndryshëm”.

AGK-ja këto pretendime të Abdixhikut i cilëson si sulm frontal kundër medias, lirisë së medias dhe shprehjes në Kosovë.

AGK-ja e fton zoti Abdixhiku të heqë dorë nga këto spekulime dhe nëse ka fakte t’i denoncojë ato në organet përgjegjëse. AGK-ja gjithashtu e fton zotin Abdixhiku që bashkë me 14 deputetët e tjerë të partisë së tij në kuvend, LDK-ja të kontribuojë për një ambient të lirë medial.

”Këto pretendime të zotit Abdixhiku janë një sulm frontal kundër medias, lirisë së medias dhe shprehjes në Kosovë. Një gjuhë e tillë me kualifikime si “mercenarë” është e papërgjegjshme, e papranueshme, shumë e rrezikshme dhe mund të paraqesë problem edhe në cenimin e sigurisë fizike të gazetarëve.
Është poçacërisht për keqardhje që këto deklarata të zotit Abdixhiku vijnë në kohën që ai është në opozitë, dhe me përkrahje prej 13 %. AGK-ja e fton zoti Abdixhiku të heqë dorë nga këto spekulime dhe nëse ka fakte t’i denoncojë ato në organet përgjegjëse. AGK-ja gjithashtu e fton zotin Abdixhiku që bashkë me 14 deputetët e tjerë të partisë së tij në Kuvend, LDK të kontribuojë për një ambient të lirë medial, thuhet në reagimin e AGK-së.
11 hours më parëPërditesimi i fundit: March 12, 2026
Back to top button