Ahmeti tregon arsyet për ndërrimin e drejtorëve në Komunën e Prishtinës

Ndërrohen disa drejtorë në Komunën e Prishtinës

Kryetari i Prishtinës, Shpend Ahmeti, ka thënë se shkarkimi i Drejtorit të Arsimit në komunën e Prishtinës, Januz Salihaj, është bërë më kërkesën e AAK-së.

Ahmeti para gazetarëve ka thënë  se kërkesën për shkarkimin e tij, partneri i koalicionit AAK e ka dorëzuar në nëntor të këtij viti, megjithëse ka thënë se me Salihajn kanë pasur marrëdhënie korrekte.

“Shkarkimi i Januz Salihajt është bërë me kërkesën e Aleancës për Ardhmërinë e Kosovës. Të cilën kërkesë e kanë dorëzuar në nëntor të vitit të kaluar sepse supozohet që kanë pasur mospajtime, dhe mund të them që më nuk është drejtor i arsimit. Marrëdhënia jonë ka qenë gjithmonë korrekte, arsyeja kryesore sepse kanë kërkuar ata.

Ahmeti ka bërë të ditur se ka kërkuar të bëhen ndryshme edhe në koalicion sa u përket drejtorive.

“Kam kërkuar që Drejtorinë e Inspekcionit dhe Arsimit ta merr PSD-ja”, ka thënë ai.

Ahmeti ka theksuar se Brahim Mehmetaj që është i AAK-së, ka kaluar nga inspekcioni në Drejtori të Pronës, ndërsa Dren Kukaj nga drejtoria e Pronës, kalon në atë të  Punës dhe Mirëqenies Sociale.

Valbona Osmani  drejtore e Kadastrës, në vend të Nora Kelmendit. Ndërsa ish-zëdhënësi për media, Adonis Tahiri drejtor i ri Inspekcionit.

“Në zyrën e mediave do të shtohet numri i zyrtarëve të mediave për shkak të punës dhe kërkesave për qasje në dokumente që na vijnë”, ka shtuar Ahmeti.

Kryetari i Prishtinës, Shpend Ahmeti  dje ka liruar nga pozita e drejtorit të arsimit në këtë komunë, Jonuz Salihajn. Me lirimin nga detyra të Salihajt, numri i drejtorive pa drejtor në komunën e Prishtinës shkon në tri, pas atyre në Kulturë dhe Kadastër.

Kujtojmë se, në nëntorin e vitit të kaluar, Shpend Ahmeti kishte shkarkuar Nora Kelmendin nga Lëvizja Vetëvendosje nga pozita e drejtoreshës së Kadastrit. Ku pas këtij vendimi, kishte dhënë dorëheqjeje Yll Rugova, i LVV-së, i cili udhëhiqte drejtorinë e Kulturës.