Mblidhet Delegacioni Shtetëror, Ahmeti tregon çka u diskutua
Delegacioni Shtetëror për Dialogun me Serbinë mbajti sot takimin e parë
Në këtë takim me dyer të mbyllura morën pjesë pjesëtarët e ekipit negociator, si nga koalicioni qeverisës, po ashtu edhe nga opozita. Ndër ta Enver Hoxhaj, Mahir Yagcilar, Dukagjin Gorani,Shpend Ahmeti, Fatmir Limaj, Avni Arifi, Dardan Gashi dhe Visar Ymeri.
Bashkëdrejtuesi i këtij delegacioni, Shpend Ahmeti tregoi afatin kohor se kur do të procedohet draft ligji në Qeverinë e Kosovës.
“U dakorduam qe një herë unë një herë Limaj t’i kryesojmë takimet. U darkoduam që deri me 15 janar të procedojmë draft ligjin në qeverinë e Kosovës. Brenda 30 ditë delegacioni duhet të përfaqësojë dialogun me Serbinë. Pesë anëtar do të punojnë në platformë. Kjo platformë ashtu si e dini i përcakton parimet, përfshi këtu njohjen r pavarësisë së Kosovës nga ana e Serbisë. Diskutuam në lidhje me buxhetin fillestar, po ashtu edhe takimet, u dakoruduam që të kemi takim me kryetarin e kuvendit, kryeministrin. Që të marrim përgjegjësitë dhe dokumentacionit. Kryesorja për neve është procedimi i draft-ligjit. “, u deklarua Ahmeti për media
I pyetur se si do të mund të bindin përfaqësuesit e dy partive të tjera, për të marrë pjesë në këtë proces, ai tha se ata duhet ta ndien vetën të përgjegjshëm për një gjë të tillë.