Aksident i rëndë në Gjermani, pesë të vdekur
Një aksident i rëndë trafiku ka ndodhur në mëngjesin e sotëm në Gjermani.
Mediat gjermane po raportojnë për 5 të vdekur dhe disa të tjerë të plagosur rëndë.
“Aksidenti ka ndodhur në autostradën A9 në Saksoni. Të mërkurën në mëngjes, një autobus me 53 pasagjerë dhe dy shoferë u përplas pranë Lajpcigut. Pesë persona humbën jetën dhe disa të tjerë u plagosën rëndë”, raporton Bild.
Vdekjen e personave e ka konfirmuar policia.
“Pesë persona vdiqën në aksident,” konfirmoi zëdhënësi i policisë Olaf Hoppe (46) për BILD. Situata në vend ka qenë fillimisht konfuze. Sipas policisë, të lënduarit tani janë nën kujdesje dhe po përgatitet rikuperimi i autobusit./21Media