Aksident i tmerrshëm i një futbollisti, makina “fluturoi” dhe çau murin e sallës (VIDEO)
Aksident i tmerrshëm i një futbollisti, makina “fluturoi” dhe çau murin e sallës
Futbollisti maroken Sofiane Kian u dërgua me urgjencë në spital pas një aksidenti të tmerrshëm automobilistik në të cilin ai kaloi nëpër muret e një sallë sportive në Belgjikë.
Kijan, i cili luan për skuadrën belge Leuven, humbi kontrollin e makinës në rrethrrotullimin e Lièges.
Në video shihet makina e tij duke ecur me shpejtësi në rrugë teksa i afrohet rrethrrotullimit.
Makina më pas niset nga rrethrrotullimi dhe vazhdon të fluturojë në ajër, përpara se të përplaset në sallën e sportit, duke lënë një vrimë të madhe në ndërtesë, raporton Daily Mail.
Në momentin e aksidentit fëmijët ndodheshin në sallë, por pak çaste më parë kanë shkuar në dhomat e zhveshjes dhe për fat të mirë asnjëri prej tyre nuk ka pësuar lëndime.
Kijan është dërguar në spital pas aksidentit, por sipas mediave gjendja e tij është jashtë rrezikut për jetën.
Autoritetet belge po hetojnë ngjarjen./21Media
🚨🚨🚨 El momento del grave accidente de Sofian Kiyine 😟
ALLAH Y CHAFIH 🤲pic.twitter.com/EU8nx5v6pa— Futbol Marroqui 212 (@FutbolMarroqui) March 30, 2023