Aksident mes tri veturave, pesë të lënduar

Pesë persona kanë mbetur të lënduar si pasojë e një aksident trafiku mes tri veturave në fshatin Bresalc të Gjilanit.
Lajmin për portalin rtv21.tv e ka konfirmuar zëdhënësi i Policisë për rajonin e Gjilanit, Ismet Hashani.
“Ju njoftojmë se sot me datën 13.10.2022 rreth 18:35 në fshatin Bresalc komuna Gjilan, ka ndodhur një aksident Trafiku ku të perfshira janë tri vetura, me këtë rast lendime të lehta trupore kane pësuar pesë persona, ku pasi kanë marr ndihmë në emergjencën rajonale ne Gjilanit janë liruar në shtëpi”, ka thënë ai.
Hashani ka njoftuar se me rastin janë duke u marë Policia e Kosovës njësiti i Trafikut rajonal./21Media