Aksident në autostradën “Ibrahim Rugova”, vdiq një person
Një person ka vdekur në orët e hershme të së shtunës pasi është aksidentuar në autostradën “Ibrahim Rugova”.
Policia e Kosovës ka bërë të ditur se aksidenti ka ndodhur në kilometrin e 27-të të autostradës rreth orës 04:20 të mëngjesit.
Viktima është rrokullisur me veturën që po drejtonte dhe ka dalë jashtë rrugës.
Po ashtu si pasojë e aksidentit është lënduar një person tjetër.
“Një mashkull kosovar ka vdekur pasi që, me veturën që po e drejtonte dyshohet se është rrokullisur jashtë rrugës. Vdekjen e viktimës e ka konstatuar ekipi mjekësor. Po ashtu si pasojë e aksidentit, lëndime trupore ka pësuar edhe një pasagjer i cili është dërguar për trajtim mjekësor. Me vendim të prokurorit trupi i pa jetë është dërguar në IML për obduksion”, thuhet në raportin ditor të Policisë./21Media