Aksident në Prishtinë, tre të lënduar
Tre persona kanë marrë lëndime si pasojë e një aksidenti trafiku midis tri veturave sot në kryeqytet.
Zëdhënësi i policisë për rajonin e Prishtinës, Agron Borovci, tha se aksidenti ka ndodhur rreth orës 17:00 në rrugën “Gazmend Zajmi”.
“Në aksident kanë qenë të përfshira tri vetura, ndërkaq tre persona kanë marrë lëndime trupore”, tha ai.
Njësia rajonale e trafikut ka dalë në vendin e ngjarjes dhe po ndërmerr veprimet e nevojshme për ndriçimin e shkaqeve të aksidentit.