Aksidenti i rëndë, vdiq një 8-vjeçare, 5 të lënduar 

Një aksident i rëndë ka ndodhur këtë pasdite në aksin Elbasan Peqin. Dy automjete janë përplasur me njëri-tjetrin.

Nga përplasja ka ndërruar jetë një vajzë e mitur.

Fëmija që ndërroi jetë ndodhej në një automjet me targa të huaja. Nga përplasja kanë mbetur të plagosur 5 persona.

Rreth orës 16:30, në aksin rrugor Elbasan-Peqin, në fshatin Paulesh, shtetasja T. B., duke drejtuar automjetin tip “Golf”, është përplasur me automjetin me drejtues shtetasin A. H., banues në Kavajë.

Si pasojë e aksidentit ka ndërruar jetë një shtetase e mitur 8 vjeçe, pasagjere në automjetin me drejtuese shtetasen T. B.

Gjithashtu, janë dëmtuar shtetasja T. B. dhe vajza e saj 11 vjeçe, të cilat ndodhen jashtë rrezikut për jetën.

Janë dërguar në spital, për ndihmë mjekësore, edhe shtetasi A. H. dhe 2 pasagjerët që udhëtonin me të, të cilët aktualisht ndodhen jashtë rrezikut për jetën.

Grupi hetimor ndodhet në vendngjarje dhe po punon për zbardhjen e rrethanave të aksidentit./oranews