Aksidentohen tri vetura, pesë të lënduar

Pesë persona kanë kërkuar trajtim mjekësor

Pesë persona janë lënduar si pasojë e një aksidenti në rrugën nacionale Mitrovicë-Zubin Potok, te fshati Koshtovë.

Në aksident janë të përfshira tri vetura.

Rastin e ka bërë të ditur zëdhënësi i policisë rajonale të Mitrovicës Avni Zahiti.

“Në këtë aksident, i cili ka ndodhur sonte rreth orës 18.00, janë lënduar pesë persona, të cilët kanë kërkuar trajtim mjekësor në Spitalin rajonal në Mitrovicë”, tha Zahiti.