Aksidentohet një autobus në Turqi, humbin jetën 15 persona

Sot si pasojë e një aksidenti me autobus në Turqinë perëndimore mbetën të vdekur 15 persona ndërsa 17 të tjerë mbetën të plagosur.
Autobusi, i ardhur nga provinca e Detit të Zi, Zonguldak, humbi kontrollin dhe u përmbys në autostradën Balikesir gjatë rrugës për në Edremit në provincën perëndimore Balikesir, bëjnë të ditur mediat turke.
Ekipet e shpëtimit dhe të urgjencës u dërguan menjëherë, por 11 persona vdiqën në vendngjarje, dhe katër më vonë iu nënshtruan plagëve në spital, pavarësisht përpjekjeve më të mira të mjekëve.
Duke vizituar të plagosurit, Guvernatori i Balikesir, Hasan Sildak tha se tre nga 17 personat e plagosur në aksident u liruan nga spitali pas trajtimit.
Po hetohet për shkaqet e aksidentit.