Aksioni në Leposaviq, Rizvanolli: Kursyem mbi 50 mijë euro për muaj

1 min read

Ministrja e Ekonomisë, Artane Rizvanolli, deklaroi se nga aksion i sotëm në Leposaviq ku janë konfiskuar 272 pajisje për prodhimin e kriptovalutave janë kursyer mbi 50 mijë euro.

Ajo ka falënderuar të gjithë institucionet të përfshira në këtë aksion dhe për bashkëpunimin e shkëlqyer.

“Mbi 50,000 euro në muaj para të taksapaguesve të kursyera vetëm nga ky aksion. Falënderoj të gjitha institucionet, e në veçanti Policinë e Kosovës, për bashkëpunimin e shkëlqyeshëm”, shkroi Rizvanolli.

Ndërsa, Ministri i Financave, Hekuran Murati ka thënë se 272 pajisjet e kriptovalutave të konfiskuara nga aksioni i Policisë së Kosovës në Leposaviq, shpenzojnë energji elektrike sa shpenzimi mesatar i 500 shtëpive./21Media