Alarmi për bombë në Prishtinë rezulton i rremë
Alarmi për bombë mbrëmjen e së shtunës në lagjen Pejton të Prishtinës ishte i rrejshëm.
Lajmin për portalin rtv21.tv, zëdhënësi i policisë për rajonin e Prishtinës, Enis Pllana.
Ai shtoi se pas ndërmarrjes së të gjitha veprimeve të nevojshme operative si dhe kontrollit të detajuar të hapësirës së caktuar nga ana e njësive të specializuara për menaxhimin me mjetet shpërthyese, mjeti shpërthyes doli të jetë i rrejshëm.
“Mbrëmë rreth orës 23:00 kemi pranuar informatën për një mjet të dyshuar në lagjen Pejton në Prishtinë. Njësitet policore kanë dalë në vendin e ngjarjes dhe pas ndërmarrjes së të gjitha veprimeve të nevojshme operative si dhe kontrollit të detajuar të hapësirës së caktuar nga ana e njësive të specializuara për menaxhimin me mjetet shpërthyese, ka rezultuar se nuk ka pasur mjet të dyshuar shpërthyes”, tha ai për portalin rtv21.tv /21Media
Dëshiron ta dëgjosh këtë lajm me zë?